| sag [boodskap #129015] |
Vr, 03 Januarie 2020 09:50 |
 |
Leksikograaf
Boodskappe: 20800
Geregistreer: Maart 2019
Karma: 1
|
Senior Lid |
|
|
sag
Afbreking: sag
Uitspraak: /sɐχ/
Byvoeglike naamwoord: sag
Vergrotende trap: sagter
Oortreffende trap: sagste
Attributief: sagte
Partitief: sags
Intensief: doeksag, fluweelsag, murgsag, papsag, satynsag, troetelsag
Betekenis:
• Wat pap voel en maklik van vorm verander; wat saamgepers of gebuig kan word; mollig en nie te hard is nie.
• Nie luid/hard nie; klank met geringe volume wat amper nie gehoor kan word nie.
• Liefdevol en gaaf; sagaardig; teer.
• Gematig; aangenaam vir die sinne.
Gebruik:
• Pantoffels is sag en lig in vergelyking met ander skoene (soos klompe).
• Sy praat so sag dat mens haar nie kan hoor nie.
• Hy was 'n sagte mens. 'n Sagte antwoord laat die woede bedaar.
• Sy is sag op die oog. Die Kaap is bekend vir sy sagte klimaat.
Spreekwoord:
• Wie hom aan 'n ander spieël, spieël hom sag. ['n Mens word goedkoop lewenswys as jy uit 'n ander se ongeluk leer.]
Vergelyking:
• So sag soos satyn.
Antoniem:
• hard
Vertaling:
Engels: soft, gentle, smooth, mild
Nederlands: zacht
Laat weet asb as die inskrywing foute bevat of verder verbeter kan word.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
