| patroon [boodskap #128890] |
Sun, 29 December 2019 07:14 |
 |
Leksikograaf
Boodskappe: 20946
Geregistreer: March 2019
Karma: 1
|
Senior Lid |
|
|
patroon
Afbreking: pa•troon
Uitspraak: /pɑtro:n/
Selfstandige naamwoord: patroon
Meervoud: patrone
Verkleinwoord: patroontjie
Meervoud van verkleining: patroontjies
Betekenis:
• Munisie vir 'n vuurwapen; slagdoppie met kruit en koeël.
• Versiering wat op iets soos materiaal herhaal word; dekoratiewe figuur.
• Voorbeeld van iets, gewoonlik uit papier, wat gebruik word om nuwe items te maak; model; sjabloon; templaat.
• Vaste manier waarop dinge gedoen word.
• Die verdediger, beskermer of voorvegter van 'n organisasie; beskermheer; beskermheilige; skudsheer; skutsengel.
• Iemand (veral 'n kind) met innemende eienskappe.
Gebruik:
• Hy sit 'n patroon in een van die rewolwer se ses kamers en roteer die drom.
• Haar rok het 'n kleurvolle patroon.
• Sy is op soek na 'n patroon om 'n nuwe rok te maak.
• Die rugbyspan se spelpatroon is te voorspelbaar.
• Hy is as die klooster se patroon aangestel.
• Corné is 'n regte klein patroon.
Spreekwoord:
• Klein van persoon, maar groot van patroon. [Iemand se verstand en bekwaamheid word nie na sy liggaamlike grootte beoordeel nie.]
Afgelei:
• geweerpatroon
• leerpatroon
• weerpatroon
Vertaling:
Engels: cartridge; pattern; model, template
Nederlands: patroon
Laat weet asb as die inskrywing foute bevat of verder verbeter kan word.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
