| gal [boodskap #128735] |
Wo, 18 Desember 2019 17:43 |
 |
Leksikograaf
Boodskappe: 20786
Geregistreer: Maart 2019
Karma: 1
|
Senior Lid |
|
|
gal
Afbreking: gal
Selfstandige naamwoord: gal
Meervoud: galle
Verkleinwoord: galletjie
Meervoud van verkleining: galletjies
Betekenis:
• 'n Geelgroen, alkaliese vloeistof met 'n bitter smaak wat deur die lewer in die duodenum (twaalfvingerige derm) afgeskei word; vloeistof wat deur die lewer geproduseer en in die galblaas gestoor word.
• (figuurlik) Iets wat baie bitter is.
Gebruik:
• Die antieke Grieke het gal, bloed, woede en slym as die vier vloeistowwe (humores) van die liggaam beskou.
• Die koffie is so bitter soos gal.
Spreekwoord:
• Hy braak gal. [Teen iets uitvaar.]
• Hy doop sy pen in gal. [Bitter oor iets skryf.]
• Met sy gal werk. [Iemand sterk berispe, kwaai bestraf of swaar kasty.]
• Heuning in die mond, gal in die hart. [Agter die vleitaal skuil bitterheid.]
Sinoniem:
• lewervog
Afgelei:
• bittergallig
• galsig
• galaandoening
• galblaas
• galontsteking
• galsteen
• swatgallig
• vergal
Vertaling:
Engels: gall, bile, spleen
Nederlands: gal
Nota:
• In die verlede is gedink dat gal 'n byproduk van die verteringsproses is en dat dit tot melancholie (teneergedruktheid, neerslagtigheid) aanleiding gee. Die terme swartgallig en bittergallig is oorblyfsels van hierdie siening.
Laat weet asb as die inskrywing foute bevat of verder verbeter kan word.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
