Betekenis:
• Houer van sagte materiaal om goed in te dra of te bêre; 'n pap, vormlose houer, gewoonlik van plastiek, papier of materiaal.
• Gaping in klere waarin sakdoeke en ander voorwerpe gedra word.
Gebruik:
• Stop die rommel in 'n sak en gooi dit weg.
• My selfoon is te groot vir my hemp se sak.
Spreekwoord:
• Die geld brand in sy sak. [Hy is spandabelrig.]
• Dit bring hom iets in die sak. [Hy trek voordeel daaruit.]
• Geld uit iemand se sak ja. [Iemand laat geld uitgee.]
• Hy het 'n sak sout met haar opgeëet. [Saam met iemand swaar gekry.]
• Hy loop of hy die transport van die plaas in sy sak het. [Baie hoogmoedig wees.]
• Hy sit in sak en as. [In die grootste droefheid gedompel wees.]
• Hy steek sy hand diep in sy sak. [Hy gee of betaal baie vir iets.]
• Jou sak skud. [Betaal vir iets.]
• Jy moet diep in jou sak vat. [Baie geld uitgee.]
• 'n Kat in die sak koop. [Slegte koop sluit.]
• Sak en pak weg. [Met alles wat 'n mens besit, vertrek.]
Betekenis:
• Ondertoe beweeg; na benede daal.
• Minder word.
Gebruik:
• My hartjie, my liefie, die son sak weg, die son sak weg, die son sak weg.
• Die swembad se water sak vinnig as dit so warm is.
Spreekwoord:
• Sak Sarel! [Moenie so oordryf nie.]
• As die son sak in die weste, is die luiaard op sy beste. [Gesê aan iemand wat eers in die laat middag met 'n ernstige of groot werk begin.]
Afgelei:
• afsak
• uitsak
Vertaling:
Engels: to descend, drop; to go down, subside
Nederlands: zakken
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
