Betekenis:
• In die lug onderskep. Om 'n voorwerp wat deur die lug beweeg te gryp en te keer dat dit verder beweeg.
• Om van vryheid te beroof; aankeer of arresteer.
Gebruik:
• Vang die bal!
• Ek hoop die polisie het die dief gevang.
Spreekwoord:
• Hy kon slange vang. [Hy was baie kwaad.]
• Hy kan nie 'n vark vang nie. [Hy het bakbene.]
• Dom vang vir slim. ['n Slim mens begaan ook foute.]
• Ek kom nie om vlieë te vang nie. [Ek kom met 'n doel.]
• Slim vang sy baas. ['n Mens kan jou vasloop deur te slim te wil wees.]
• Een dief met 'n ander vang. ['n Skelm weet hoe skelms te werk gaan.]
• Hoë bome vang die meeste wind. [Mense in belangrike posisies word die meeste gekritiseer.]
• Hy probeer 'n aal aan sy stert vang. [Hy probeer die onmoontlike doen.]
• Hy probeer vlieë met heuning vang. [Vleitaal gebruik om jou doel te bereik.]
• Hy sit en vlieë vang. [Hy sit met 'n oop mond.]
• Hy vang haar oog. [Iemand se aandag trek.]
• Hy vang vis op droë grond. [Hy probeer die geheim tevergeefs uitvis.]
• Jy vang meer vlieë met 'n lepel stroop as met 'n vat asyn. [Met sagtheid bereik jy meer as met geweld.]
• Met asyn vang jy nie vlieë nie. [Deur vyandig op te tree, bereik 'n mens nie veel nie.]
• Met onwillige honde kan 'n mens nie hase vang nie. ['n Mens kan niks uitrig met mense wat dwarstrek nie.]
• 'n Arend vang nie vlieë nie. ['n Hoogstaande persoon steur hom nie aan kleinlike kritiek nie.]
• 'n Jakkals vang nie 'n skaap in die dag nie. ['n Skelm steel nie so dat hy maklik betrap word nie.]
• 'n Ou voël met kaf probeer vang. [Probeer om 'n ervare persoon te kul.]
• 'n Spiering uitgooi om 'n kabeljou te vang. ['n Kleinigheid waag om groot voordeel te trek.]
• Pasop as dom Jan vir slim Jan vang. [Moenie probeer om te slim te wees nie anders kom jy in die moeilikheid.]
] 
Supertaal
Blog
Soek
Hulp
Lede
Registreer
Teken aan
Tuis
.jpg)
