Leksikograaf Boodskappe: 20785 Geregistreer: Maart 2019
Karma: 1
Senior Lid
Mistige weer.mis
Afbreking: mis
Selfstandige naamwoord: mis
Meervoud: –
Betekenis:
• (meteorologie) Digte wolke wat laag oor die aarde hang en sigbaarheid belemmer.
• Die stof wat diere uitskei; ontlasting.
• Stof wat grond vrugbaar maak.
• 'n Rooms Katolieke ritueel.
Gebruik:
• Onthou om die motor se ligte aan te skakel as u deur die mis ry.
• Die olifante se mis kan in die pad gesien word.
• Hy werk mis in die landerye in.
• Die pous gaan Sondag die mis lei.
Vertaling:
Engels: fog, mist; manure, droppings, dung; mass
Nederlands: mist; mis
Werkwoord: mis
Verlede tyd: het gemis
Betekenis:
• Om te verlang na iets of iemand wat nie daar is nie.
• Nie haal nie; te laat kom; iets verpas (soos 'n bus, trein, ens.)
Gebruik:
• Sy mis haar ouers.
• Hy het die vliegtuig gemis.
Vertaling:
Engels: to miss
Nederlands: missen
Bywoord: mis
Betekenis:
• Nie raak nie; wat nie aan die verwagting voldoen nie.
Gebruik:
• Hy het die bal mis geslaan.
Spreekwoord:
• Sy sit die pot mis. [Sy slaag nie.]
• Hy mis alle grond. [Van alle waarheid ontbloot wees.]
• Mis is mis. [Hoe naby 'n mens ook al aan 'n teiken kom, dit bly nie raak nie.]
Antoniem:
• raak
Vertaling:
Engels: missed
Nederlands: mis
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
