Betekenis:
• Heeltemal gevul; nie meer plek om iets by te sit nie.
• Versadig; kan nie meer eet nie.
• Heeltemal; volledig; volkome.
Gebruik:
• Maak die kar vol asseblief. Draai die kraan toe, die bad is vol.
• Ek is vol, dankie.
• Kan ek julle volle aandag kry? Ons is vol vertroue dat dit sal reën.
Spreekwoord:
• Hy is vol dinge. [Hy is vol streke.]
• Hy is vol barste en kwaste. [Hy het baie nukke en grille.]
• Hy is vol draadwerk. [Hy is vol nukke of skelm plannetjies.]
• Hy is vol jakkalsstreke. [Allerhande geslepe planne hê.]
• Hy is vol kaskenades. [Grappe, streke aangevang.]
• Hy sit met sy hand vol vlieë. [Al jou moeite het jou niks in die sak gebring nie.]
• Iemand die nek vol lieg. [Iemand deeglik belieg.]
• Loop voor die pad vol duwweltjies word. [Loop baie gou.]
• Met die mond vol tande staan. [Niks kan sê nie.]
• Met 'n bek vol tande staan. [Nie weet wat om te sê nie.]
• My beker is vol. [Meer smart kan ek nie verdra nie.]
• Sy het haar hande vol. [Sy is baie besig.]
• Sy is vol snare. [Sy is baie wispelturig.]
• Van nuuskierigheid is die tronk vol. ['n Mens moenie te nuuskierig wees nie.]
• Vol kwinte en kwale wees. [Vol grille en klagtes wees.]
• Waar die hart van vol is, loop die mond van oor. ['n Mens praat maklik oor iets wat jou baie interesseer.]
• As die muis vol is, is die meel bitter. [As 'n mens genoeg geëet het, smaak die kos nie meer lekker nie.]
Antoniem:
• leeg
Afgelei:
• volles
Vertaling:
Engels: full, complete
Nederlands: vol
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
