Leksikograaf Boodskappe: 20946 Geregistreer: March 2019
Karma: 1
Senior Lid
weet
Afbreking: weet
Uitspraak: /vɪət/
Werkwoord: weet
Verlede tyd: het geweet, wis
Teenwoordige deelwoord: wetend, wetende
Betekenis:
• Reeds oor die inligting beskik; daarvan kennis dra; die antwoord ken.
Gebruik:
• Hulle weet nie wat ons weet nie.
• Niemand het geweet wanneer, waar en deur wie die boek geskryf is nie.
Spreekwoord:
• Nugter weet. [Niemand weet nie.]
• Daar soveel van weet soos 'n vark van politiek. [Heeltemal niks daarvan weet nie.]
• Die klok hoor lui, maar nie weet waar die bel hang. [Iets van 'n saak gehoor, maar weet niks van die besonderhede.]
• Die linkerhand weet nie wat die regterhand doen nie. [As 'n mens iets goeds doen, moet hy dit nie oral rondvertel nie.]
• Dis vir my om te weet en vir jou om uit te vind. [Ek weet dit, maar sal jou nie sê nie.]
• Dit weet die aap se stert. [Almal weet dit.]
• Ek weet nie waar ek my kop moet insteek nie. [Baie skaam wees.]
• Ek weet nie watter kant toe nie. [Raadop wees; druk of moeilik hê.]
• Ek wil weet waar ek aan of af is. [Ek wil weet wat my posisie is.]
• Geen daad of raad weet nie. [Nie weet wat om te doen of te sê nie.]
• Hy dink hy is iemand, almal weet hy is niemand. [Hy dink hy is belangrik, maar is glad nie.]
• Hy weet nie waar hy af of aan is nie. [Hy weet nie presies hoe sake hom raak nie.]
• Hy weet van geen sout of water nie. [Hoegenaamd niks weet nie.]
• Hy weet waar Dawid die wortels gegrawe het. [Hy is op hoogte van sake en laat hom nie maklik fop nie.]
• Hy weet waar die skoen hom druk. [Hy weet presies waar die moeilikheid is.]
• Iets op die breedte van 'n haar weet. [Iets baie sekuur weet.]
• Kat se blad, lek hom plat dan weet jy wat. [Gesê om 'n nuuskierige kind stil te kry.]
• Nie van toet of blaas weet nie. [Totaal onkundig wees.]
• Nie vorentoe of agtertoe weet nie. [Nie weet wat om te doen nie.]
• So min van iets weet soos 'n aap van godsdiens. [Heeltemal niks weet van 'n saak nie]
• Soveel soos 'n bobbejaan van godsdiens weet. [Niks daarvan weet nie.]
• Soveel van iets weet soos 'n kat van saffraan. [Niks weet nie.]
• Soveel weet soos 'n kraai van Sondag. [Hoegenaamd niks van iets weet nie.]
• Tot die naatjie van die kous wil weet. [Tot in die fynste besonderhede wil weet.]
• Van die hele sous niks weet nie. [Van die hele saak niks weet nie.]
• Van die prins geen kwaad weet nie. [Heeltemal onskuldig wees.]
Sinoniem:
• ken
Vertaling:
Engels: to know, be aware
Nederlands: weten
Xhosa: azi
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
