Leksikograaf Boodskappe: 20785 Geregistreer: Maart 2019
Karma: 1
Senior Lid
Sokkerspeler wat die bal in die lug skop.skop
Afbreking: skop
Werkwoord: skop
Verlede tyd: het geskop
Teenwoordige deelwoord: skopende
Betekenis:
• Met die voet/poot tref sodat iets beweeg.
• (figuurlik) Verset; weerstand bied.
Gebruik:
• Ek het hom nie geskop nie, ek het net gedans en hy was in my pad.
• Die kind skop nog teen die skool se streng reëls.
Spreekwoord:
• Hy skop die emmer. [Gaan dood.]
• Hy skop 'n baan op. [Rusie, lawaai maak.]
• Ek kan myself skop. [Ek is baie spyt.]
• Hy lieg soos tien perde skop. ['n Baasleuenaar.]
• Iemand sand in die oë skop. [Iemand bedrieg.]
• Skop teen die prikkels. [Weerspannig wees.]
• Vir die kat kwaad wees en die hond skop. [Jou op 'n onskuldige persoon wreek as jy kwaad is.]
• Van 'n donkie moet jy 'n skop verwag. [Van 'n onbeskofte persoon moet jy slegte behandeling verwag.]
• Die maerste perd skop die seerste. ['n Mens word dikwels teleurgestel deur iemand van wie jy dit die minste verwag.]
Vergelyking:
• Skop soos 'n volstruis.
Vertaling:
Engels: to kick; to offer resistance
Nederlands: schoppen
Betekenis:
• 'n Trap met die voet of poot.
• (gereedskap) 'n Tipe graaf met 'n hol blad; skopgraaf.
Gebruik:
• Sy het haar bakkie met skreeuende remme tot stilstand gebring, die rower bygedam, hom 'n gedugte skop gegee en gebulder: "Los my uit!"
• Ma vee die krummels in die skoppie in.
Spreekwoord:
• Nog baie skop hê. [Nog gereken; aan die gang.]
• 'n Mens kan van 'n esel altyd 'n skop verwag. [Van 'n slegte persoon kan 'n mens altyd verwag om sleg behandel te word.]
] 
Supertaal
Blog
Soek
Hulp
Lede
Registreer
Teken aan
Tuis
.jpg)
