Leksikograaf Boodskappe: 20799 Geregistreer: Maart 2019
Karma: 1
Senior Lid
bang
Afbreking: bang
Uitspraak: /bɑŋ/
Byvoeglike naamwoord: bang
Vergrotende trap: banger
Oortreffende trap: bangste
Attributief: bang
Intensief: doodbang, vrekbang, skytbang, haasbang, hondbang, lambang, yskoudbang
Betekenis:
• Bevrees, met angs vervul.
• Bekommerd oor iets.
Gebruik:
• Hy is bang vir die donker.
• Sy is bang dat hy nie van haar sal hou nie.
Spreekwoord:
• Hy is bang vir sy eie skaduwee. [Baie bang wees.]
• Hy is bang vir die pampoenspook. [Vir 'n nietigheid bang wees.]
• Liewer bang Jan as dooie Jan. [Liewer versigtig/lafhartig as dood.]
• Sy het geen bang haar op haar kop nie. [Glad en geheel nie bang nie.]
• Sy is bang om haar hande in koue water te steek. [Hande-arbeid vermy.]
• Gogga maak vir baba bang. [Gesê as 'n onaansienlike mens met 'n baba speel.]
• Vaak raak vir bang baas. [Gesê as 'n kind so vaak raak dat hy ten spyte van sy bangheid gaan slaap.]
Vergelyking:
• So bang soos 'n bok vir 'n skoot hael.
• So bang soos 'n uil vir daglig.
• So bang soos die duiwel vir 'n sluipsteen.
] 
Supertaal
Blog
Soek
Hulp
Lede
Registreer
Teken aan
Tuis
