Leksikograaf Boodskappe: 20799 Geregistreer: Maart 2019
Karma: 1
Senior Lid
'n Menslike arm.arm
Afbreking: arm
Selfstandige naamwoord: arm
Meervoud: arms
Verkleinwoord: armpie
Meervoud van verkleining: armpies
Betekenis:
• (anatomie) Een van die boonste ledemate van 'n mens, wat van die skouer tot by die hand strek.
• Iets wat daaraan herinner, soos die arm van 'n stoel.
Gebruik:
• Hy swaai sy arm om die bure se aandag te trek.
• Sy plak haar kougom onder die stoel se arm.
Spreekwoord:
• Die arm lig. [Sterk drank gebruik.]
• Hy het 'n lang arm. [Hy is baie magtig.]
• Iemand onder die arm neem. [Iemand ondersteun.]
• Met sy siel onder sy arm rondloop. [Hom verveel.]
• Die arm teen iemand ophef. [Iemand met geweld bedreig.]
• Hy kla met 'n wit brood onder die arm. [Kla onnodig.]
Betekenis:
• Wat niks of byna niks besit nie; behoeftig wees.
• Ellendig; beklaenswaardig.
• Swak bedeeld; met min of geen hulpmiddele.
Gebruik:
• Die winkel is in die arm deel van die dorp geleë.
• Sy het die arme hond by die huis gelos.
• Die blomme groei goed in die arm grond.
Spreekwoord:
• Hy is arm van gees. [Verstandelik nie goed bedeeld nie.]
• Hy is so arm soos 'n luis op 'n kam. [Baie arm.]
• Kaarte en kanne maak arm manne. [Dobbelary en sterk drank veroorsaak armoede.]
• Kinders is die arm man se rykdom. [Arm mense het gewoonlik baie kinders]
• Al is 'n huis ook hoe arm, hy dek warm. [Al is 'n mens se tuiste armoedig, voel hy daar tog die gelukkigste.]
Vergelyking:
• So arm soos 'n kerkmuis.
Sinoniem:
• behoeftig
Antoniem:
• ryk
Afgelei:
• armes
Vertaling:
Engels: poor
Nederlands: arm
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
 (14578602887).jpg)
