Supertaal: Woordeboek

Tuis » Taal » Woordeboek » lekker

Wys: Vandag se boodskappe :: Stemmings :: Navigasie

lekker [boodskap #126626]

Vr, 14 Junie 2019 20:12

Leksikograaf
Boodskappe: 20799
Geregistreer: Maart 2019

Karma: 1

Senior Lid

lekker
Afbreking: lek•ker
Uitspraak: /ˈlɛkər/

Byvoeglike naamwoord: lekker
Vergrotende trap: lekkerder
Oortreffende trap: lekkerste
Attributief: lekker
Intensief: smullekker, vingerleklekker, lipleklekker, vreklekker, watertandlekker

Betekenis:
• Met 'n aangename smaak.
• Iets waarvan mens hou; aangenaam in die algemeen.
• Sommer baie.

Gebruik:
• Die kos was lekker, maar die nagereg was lekkerder!
• Dis lekker om te lewe, ja dit is! Dis nie lekker om jou vrou met 'n ander man te sien nie.
• Sy was lekker onbeskof met my. Hy is ook maar lekker dom.

Spreekwoord:
• Maak soos jy lekker kry. [Maak soos jy wil.]
• Lekker is maar 'n vinger lank. [Die plesier is van korte duur.]
• Die by wat die lekker heuning maak, steek seer. [Genot het dikwels 'n slegte nadraai.]

Sinoniem:
• aangenaam
• genotlik
• genoeglik
• behaaglik
• heerlik
• smaaklik

Antoniem:
• sleg

Verwant:
• lekkerbek
• luilekker

Vertaling:
Engels: tasty; nice, pleasant, fun; very
Nederlands: lekker, leuk

Selfstandige naamwoord: lekker
Meervoud: lekkers, lekkergoed
Verkleinwoord: lekkertjie
Meervoud van verkleining: lekkertjies

Betekenis:
• Soetigheid van suiker of sjokolade wat as versnapering of lekkerny genuttig word.

Gebruik:
• Die lekker is sleg. Die lekkertjie is in 'n mooi papiertjie toegedraai.
• Te veel lekkers maak 'n mens vet en jou tande vrot.

Sinoniem:
• lekkerny
• soetigheid

Afgelei:
• suiglekker

Vertaling:
Engels: sweet, candy
Nederlands: snoep

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Vorige onderwerp:	lag
Volgende onderwerp:	etimologie

Gaan na forum:

-=] terug na bo [=-

[ XML-voer ] [

]

Tyd nou: Wo Nov 27 17:21:25 MGT 2024