Betekenis:
• Vinnige, viervoetige dier wat met 'n saal en toom gery word. 'n Ewehoewige ry-, pak- en trekdier, Equus caballus.
• (skaak) Speelstuk in skaak; die ruiter - ♘ ♞.
• (sport) Rompagtige toestel op vier pote vir gimnastiek en ander oefeninge.
Gebruik:
• Die ruiter het op sy wit perd agter die randjie verdwyn.
• Die perd kan oor ander stukke spring en beweeg opeenvolgend van wit na swart en van swart na wit blokkies.
• Die gimnas spring oor die perd.
Spreekwoord:
• Die beste perd struikel ook wel. [Elkeen kan 'n fout begaan.]
• Die gewillige perd moet die kar trek. [Die gewilliges moet altyd alles doen.]
• Die hinkende perd kom agterna. [Die moeilikheid kom aan die einde.]
• Die maerste perd skop die seerste. ['n Mens word dikwels teleurgestel deur iemand van wie jy dit die minste verwag.]
• Die oog van die meester maak die perd vet. [As jy self na jou sake kyk, trek jy die meeste voordeel.]
• Die perd ruik sy stal. [Iemand span hom meer in; begin vinniger loop.]
• Die perd se stert afpraat. [Geweldig baie babbel.]
• Die perd wat die hawer verdien, kry die strooi. [Verdienste word nie altyd beloon nie.]
• Die Trojaanse perd binnehaal. [Onbewus die ongeluk op die hals haal.]
• Die verkeerde perd opsaal. [Die verkeerde ding doen.]
• Dis een perd se prys. [Dit kos niks meer aan geld of moeite nie.]
• Hy ry die perd agterstevoor. [Hy pak die saak verkeerd aan.]
• Hy voel pure perd. [Hy voel baie goed.]
• Jy kan nie van 'n esel 'n perd maak nie. ['n Onopgeleide persoon kan nie geskoolde werk verrig nie.]
• Jy kan 'n perd by die water bring, maar jy kan hom nie dwing om te suip nie. [Iets kan nie deur dwangmiddele bereik word nie.]
• Met 'n kind en 'n steeks perd moet jy nooit spog nie. [Kinders en perde is onvoorspelbaar.]
• Moenie 'n gegewe perd in die bek kyk nie. ['n Geskenk moenie gekritiseer word nie.]
• 'n Perd met vier bene struikel ook. [Elkeen kan 'n fout begaan.]
• Poon maar perd. [Klein van gestalte, maar sterk, waaghalsig, astrant.]
• Siekte kom te perd, dog vertrek te voet. [n Mens word gouer siek as gesond.]
] 
Supertaal
Blog
Soek
Hulp
Lede
Registreer
Teken aan
Tuis
