Betekenis:
• Die fisieke liggaam van 'n mens of 'n dier.
• Die belangrikste gedeelte van iets.
Gebruik:
• Die Minotaurus was 'n kreatuur met die kop van 'n bul en die lyf van 'n man.
• 'n Goeie opstel bestaan uit die inleiding, lyf en 'n slot.
Spreekwoord:
• Sy het 'n kop op haar lyf. [Sy is knap / slim.]
• Alles aan die lyf hang. [Alles vir klere uitgee.]
• Dit het nie veel om die lyf nie. [Dis nie veel werd nie.]
• Hy het haar te lyf gegaan. [Hy het haar aangeval.]
• Hy is gesond van lyf en lede. [Hy is blakend gesond.]
• Iemand skrik op die lyf ja. [Iemand bang maak.]
• Jou lyf vet smeer. [Jou regmaak vir 'n pak slae.]
• Hy hou sy lyf haantjie. [Hy is vrypostig, vryerig.
• Hy hou sy lyf knipmes. [Hy maak die meisie die hof.]
• Jy hou jou lyf windmaker. [Spoggerig wees.]
• Jy hou jou lyf aasvoël. [Kom net voor ete op 'n plek aan en vertrek onmiddellik daarna.]
• Meer verstand in sy pinkie hê as 'n ander in sy hele lyf. [Baie slimmer wees.]
• Iemand se bene onder sy lyf uitslaan. [Iemand se argumente ontsenu; iemand mismoedig maak.]
• 'n Lyf soos 'n berg en 'n hart soos 'n perskepit. [Gesê van iemand wat groot van postuur, maar lafhartig of baie sensitief is.]
] 
Supertaal
Blog
Soek
Hulp
Lede
Registreer
Teken aan
Tuis
