Leksikograaf Boodskappe: 20785 Geregistreer: Maart 2019
Karma: 1
Senior Lid
pas
Afbreking: pas
Uitspraak: /pɑs/
Selfstandige naamwoord: pas
Meervoud: passe
Verkleinwoord: passie
Meervoud van verkleining: passies
Betekenis:
• 'n Pad oor 'n berg.
• Verlofbrief; paspoort.
• Stap; marsjeer; vooruitgang van gebeure.
Gebruik:
• Montagupas is 'n skilderagtige pas in die Outeniekwaberge.
• Hy het sy pas verloor.
• Jy moet die pas hou.
Spreekwoord:
• Iemand die blou pas gee. [Iemand afsê of in die pad steek.]
Vertaling:
Engels: pass, dismissal, pace
Nederlands: pas
Werkwoord: pas
Verlede tyd: het gepas
Teenwoordige deelwoord: passende
Betekenis:
• Reg sit; groot genoeg wees en goed lyk.
• Twee dinge wat bymekaar hoort; goed saamgaan.
• Wat reg is met iemand; geleë wees.
Gebruik:
• Die skoen pas perfek. Die jas pas jou ook goed.
• Jou kouse pas nie by mekaar nie.
• Sal dit jou pas as ek more daarlangs kom?
Spreekwoord:
• 'n Mou aan iets pas. ['n Oplossing vind.]
• Dit pas so in my kraam. [Iets is presies soos iemand dit wil hê.]
• As die skoen jou pas, trek hom aan. [As jy skuldig voel, moet jy wat gesê is, op jouself toepas.]
• Wie nie pas op sy tyd, is sy maaltyd kwyt. [Wie laat kom, kry geen kos nie.]
Vertaling:
Engels: to fit, suit, match
Nederlands: passen
Bywoord: pas
Betekenis:
• 'n Kort tydjie gelede.
• Skaars of net.
Gebruik:
• Hy het pas afgestudeer.
• Sy het pas gaan lê, toe lui die deurklokkie.
Spreekwoord:
• Te pas en te onpas iets ophaal. [Tydig en ontydig; of dit nou geleë is of nie.]
Vertaling:
Engels: scarcely, hardly, just
Nederlands: pas
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
