Leksikograaf Boodskappe: 20785 Geregistreer: Maart 2019
Karma: 1
Senior Lid
alles
Afbreking: al•les
Voornaamwoord: alles
Betekenis:
• Al die dinge saam; die hele versameling of hoeveelheid sonder uitsondering.
Gebruik:
• In sy poging om alles te betwyfel, het hy tot die gevolgtrekking gekom dat hy alles kon betwyfel, behalwe die feit dat hy twyfel.
Spreekwoord:
• Oor alles en nog wat. [Oor baie sake.]
• Alles is na die maan. [Alles is verlore.]
• Alles is tot niet. [Alles is verlore.]
• Alles maak en breek. [Alles uit woede wil breek; alles met geweld wil doen.]
• Alles op die spel sit. [Alles waag.]
• Alles op een kaart sit. [Alles in een slag wys.]
• Alles staan op los skroewe. [Alles is deurmekaar.]
• Alles uitblaker. [Geheim rondvertel.]
• Alles vir soetkoek opeet. [Alles glo wat iemand vir jou vertel.]
• Alles word vir jou op 'n skinkbord aangedra. [Jy bekom alles sonder inspanning.]
• Ja en amen sê op alles. [Alles goedkeur. Instem sonder om ’n eie mening uit te spreek.]
• Dis alles maanskyn en rose. [Alles is voorspoedig en goed.]
• Dis alles net lippetaal. [Die woorde is nie eg en opreg nie.]
• Dis alles pure wind. [Dis sommer 'n grootpratery.]
• Dis nie alles goud wat blink nie. [Nie alles wat mooi lyk, is goed nie.]
• Dis nie alles gras wat groen is nie. [Skyn bedrieg.]
• Einde goed, alles goed. [As alles goed afloop, vergeet 'n mens al die moeilikheid verbonde aan die saak.]
• Hy is die spil waarom alles draai. [Die leidende persoon.]
• Hy jaag alles deur sy keel. [Jou besittings aan sterk drank verkwis.]
• Hy raap en skraap alles. [Hy versamel voor die voet.]
• Hy wil alles kort en klein slaan. [Hy wil alles breek.]
• Vir die reine is alles rein. [Op sigself is niks onrein nie.]
Vertaling:
Engels: everything, all
Nederlands: alles
Nota:
• "Alles" word soms verkort tot "als".
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
