Betekenis:
• Iemand omhels of styf met die arms vashou.
• Drukking; die krag wat oor 'n oppervlakte uitgeoefen word.
• Handeling van boeke druk; 'n oplaag.
• Tipe letters wat tydens die drukproses gebruik word.
• Spanning; kommer; las.
Gebruik:
• Die dogtertjie gee vir haar boetie 'n stewige druk.
• Die druk in die kernreaktor is te hoog, dit sal ontplof as ons dit nie onder beheer bring nie.
• Die boek is in sy tweede druk.
• Verander die druk vir die lyn na kursief.
• Ons verkeer onder groot druk om al die aansoeke betyds te verwerk.
Werkwoord: druk
Verlede tyd: het gedruk
Teenwoordige deelwoord: drukkend, drukkende
Betekenis:
• Krag uitoefen op (soos wanneer mens iemand vashou of 'n drie druk).
• Letters onder druk op papier aanbring.
Gebruik:
• Jy moet die knoppie harder druk.
• Ons beplan om meer as 10 miljoen kopieë van die boek te druk.
Spreekwoord:
• Hy druk almanakke. [Hy lieg baie.]
• Hoed oor die oë druk. [Skaam wees]
• 'n Drie in beseringstyd druk. [Op 'n hoërige ouderdom 'n baba verwag.]
• Hy weet waar die skoen hom druk. [Hy weet presies waar die moeilikheid is.]
Afgelei:
• afdruk
• drukking
• neerdruk
• opdruk
Vertaling:
Engels: to squeeze, press, pinch, print
Nederlands: druk
] 
Supertaal
Blog
Soek
Hulp
Lede
Registreer
Teken aan
Tuis
