Betekenis:
• Betaalmiddel; ruilmiddel waarmee goedere en dienste gekoop kan word.
Gebruik:
• Ons het gaan uiteet, maar toe ons moes betaal val dit my by dat ek nie geld by my het nie.
Spreekwoord:
• Agter geld soos die duiwel agter 'n siel aan. [Baie geldgierig.]
• Daar kleef bloed aan die geld. [Dis geld wat vir verraad ontvang is.]
• Die geld brand in sy sak. [Hy is spandabelrig.]
• Geld groei nie op sy rug nie. [Hy moet hard werk vir sy geld.]
• Geld in die water gooi. [Geld verkwis.]
• Geld uit iemand se sak ja. [Iemand laat geld uitgee.]
• Geld wat geel is, maak reg wat skeel is. [Met geld kan 'n mens baie dinge regmaak.]
• Geld wat stom is, maak reg wat krom is. [Geld maak baie knoeiery moontlik.]
• Goeie geld na slegte geld gooi. [Meer belê in 'n onderneming wat geen wins maak nie.]
• Hy het geld soos bossies. [Baie geld.]
• Hy speel met geld soos 'n bobbejaan met waboomblare. [Geld verkwis.]
• Vir geen geld of goeie woorde afstaan nie. [Vir niks ter wêreld sal ruil nie.]
• Vir geld kan 'n mens die duiwel laat dans. [Met geld kan 'n mens enigiets doen.]
• Waar geld is, wil geld wees. [Kapitaal stel 'n mens in staat om meer geld te verkry.]
] 
Supertaal
Blog
Soek
Hulp
Lede
Registreer
Teken aan
Tuis
