Leksikograaf Boodskappe: 20946 Geregistreer: March 2019
Karma: 1
Senior Lid
Toutrektrek
Afbreking: trek
Uitspraak: /træk/
Werkwoord: trek
Verlede tyd: het getrek
Teenwoordige deelwoord: trekkende
Betekenis:
• 'n Krag op 'n voorwerp uitoefen sodat dit nader aan jou beweeg.
• Uithaal; verwyder.
• Uitdrukking van die gesig.
• 'n Lyn teken.
• Ander mense met iets interessants lok.
• Gelaatstrek/ familietrek; soos iemand (in jou familie) lyk.
• Verhuis; met jou besitting na 'n ander plek verkas.
Gebruik:
• Trek die kos nader voordat jy skep.
• Ons sal die tand moet trek. Trek geld van jou rekening.
• Moenie jou gesig so trek nie.
• Trek 'n streep onder die regte woord.
• Moenie so aandag trek nie.
• Jy trek baie na jou ma.
• Ons trek volgende week Bloemfontein toe.
Spreekwoord:
• Aan die kortste end trek. [Die slegste daaraan toe wees.]
• Die gewillige perd moet die kar trek. [Die gewilliges moet altyd alles doen.]
• Die sluise van die hemel trek oop. [Dit reën vreeslik hard en baie.]
• Die wa deur die drif trek. [Daarin slaag om 'n moeilike taak te verrig of 'n probleem op te los.]
• Hulle trek in dieselfde juk. [Werk saam of stem saam.]
• Hy het nie 'n draad om aan te trek nie. [Geen klere hê nie.]
• Hy trek al weer toutjies. [In die geheim 'n saak bevorder.]
• Hy trek haar 'n streep. [Hy bak 'n poets.]
• Hy trek my been. [Die persoon terg of goedig spot.]
• Hy trek my siel uit. [Iemand terg.]
• Hy trek noustrop. [Swaar kry; baie harde werk.]
• Iemand deur die mosterd trek. [Iemand berispe.]
• Iemand die vel oor die ore trek. [Hom glad te veel laat betaal.]
• Jy kan hom deur 'n ring trek. [Hy is baie netjies aangetrek.]
• Jy moet die buikgord styf trek. [Jy het nie baie te ete nie.]
• 'n Mens kan hom deur 'n naald trek. [Hy is baie netjies aangetrek.]
• 'n Mens moet iewers 'n lyn trek. ['n Mens moet vasstel hoe ver gegaan mag word.]
• Sonder om 'n bek te trek. [Onskuldig en ongeërg.]
• Sonder om 'n gesig te trek. [Sonder om verleë te lyk of jou gevoelens te openbaar.]
• Sy hart trek met 'n punt. [Hy verlang baie.]
• Waar daar 'n rokie trek, moet daar 'n vuurtjie brand. [Elke gerug het 'n kern van waarheid.]
• Woorde wek, maar voorbeelde trek. ['n Mens se goeie dade beteken meer as baie mooi woorde.]
• Vat jou goed en trek, Ferreira. [Loop, maak dat jy wegkom.]
Betekenis:
• 'n Rukbeweging na of weg van iets af.
• Eienskappe van jou ouers gekry.
• 'n Suigbeweging aan 'n sigaret of sigaar.
• Lugstroom; tog.
Gebruik:
• Jy kan die haartjie met een trek uitpluk.
• Die trek kom van jou ouma af.
• Die man gee een trek en sit sy sigaar in die asbakkie.
• Maak toe die deur, daar is 'n trek deur die huis.
] 
Supertaal
Blog
Soek
Hulp
Lede
Registreer
Teken aan
Tuis
