Leksikograaf Boodskappe: 20946 Geregistreer: March 2019
Karma: 1
Senior Lid
Die oog van 'n tier.sien
Afbreking: sien
Uitspraak: /sin/
Werkwoord: sien
Verlede tyd: het gesien
Teenwoordige deelwoord: siende, sienende
Betekenis:
• Om iets in die oog te kry; met die oog kyk en waarneem; gesigsvermoë hê.
• Om te begryp; verstaan; insien.
• Om nie te weet nie; nog 'n besluit moet neem.
• Om bymekaar te kom (byvoorbeeld om te kuier).
Gebruik:
• Ek sien 'n kameelperd doer agter die bome.
• Dit is so koud, ek kan nie sien hoe ons gaan braai nie.
• Ons sal maar sien of ons more kerk toe gaan.
• Ons sien julle dan weer Sondag.
Spreekwoord:
• Sien kom klaar. [Op die een of ander manier sonder iets klaarkom.]
• Hoor en sien vergaan. [Daar is 'n groot lawaai.]
• Iets oor die hoof sien. [Geen ag slaan op iets nie.]
• Iemand onder vier oë sien. [Iemand alleen sien om hom te berispe.]
• Die laaste sien van die blikkantien. [Dit het spoorloos verdwyn.]
• Eers kindjie sien, dan vader staan. ['n Saak eers steun wanneer jy meer daarvan weet.]
• Ek sien hom liewer gaan as kom. [Ek hou nie van hom nie.]
• Hy sien die bottel se boom. [Hy is dronk.]
• Hy sien die splinter in my oog, maar vergeet die balk in sy eie. [Klein tekortkomings in ander opmerk, maar jou eie groter gebreke vergeet.]
• Niemand so blind as wie nie wil sien nie. [Iemand wat nie oortuig kan word nie, al weet hy hy is verkeerd.]
• Wat die oog nie sien nie, maak die hart nie seer nie. ['n Mens bekommer jou nie oor iets waarvan jy nie weet nie.]
Vertaling:
Engels: to see, notice, perceive, distinguish
Nederlands: zien
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
