Leksikograaf Boodskappe: 20799 Geregistreer: Maart 2019
Karma: 1
Senior Lid
hoe
Afbreking: hoe
Bywoord: hoe
Betekenis:
• Op watter manier/wyse?
• In watter toestand?
• In watter mate?
• Druk verbasing uit.
Gebruik:
• Hoe bou 'n mens 'n draadkar?
• Hoe erg is die motor gestamp?
• Hoe ver het sy geloop?
• Hoe op aarde het jy dit reggekry?
Spreekwoord:
• Hoe later, hoe kwater. [Hoe langer dit duur, hoe erger word dit.]
• Hoe ryker, hoe gieriger. [Hoe meer 'n mens besit, hoe meer wil jy hê.]
• Hoe geleerder, hoe verkeerder. ['n Geleerde persoon kan hom dikwels dwaas gedra.]
• Hoe groter gees, hoe groter bees. ['n Mens met buitengewone talente, is dikwels ongemanierd.]
• Hoe kaler jonker, hoe groter pronker. [Wie die minste besit, spog gewoonlik die meeste.]
• Hoe kleiner brak, hoe groter die geraas. [Iemand wat min kan doen, praat gewoonlik die meeste.]
• Hoe meer dae, hoe meer dinge. [Elke dag lewer nuwe vraagstukke.]
• Hoe meer haas, hoe minder spoed. [As 'n mens oorhaastig te werk gaan, vorder jy nie altyd goed nie.]
• Hoe meer siele, hoe meer vreugde. [Hoe meer mense bymekaar, hoe meer pret.]
• Hoe ouer die bok, hoe harder die horing. [Hoe ouer 'n mens is, hoe meer ervare is hy.]
• Weet hoe die vurk in die hef steek. [Presies weet hoe sake staan.]
Afgelei:
• hoekom
• hoeveel
Vertaling:
Engels: how, what
Nederlands: hoe
Nota:
• Moenie "hoe" met "hoë" verwar nie.
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
