Leksikograaf Boodskappe: 20783 Geregistreer: Maart 2019
Karma: 1
Senior Lid
hele
Afbreking: he•le
Byvoeglike naamwoord: heel
Attributief: hele
Betekenis:
• Attributiewe vorm van heel; volledig en waaraan niks ontbreek nie; nie stukkend nie.
Gebruik:
• Ek wil die hele koek hê.
Spreekwoord:
• Met die hele mandjie patats uitkom. [Die geheime openbaar.]
• Die hele boksemdais was daar. [Almal was daar.]
• Die hele kasarm het hier aangekom. [Die hele klomp.]
• Met die hele vark gooi. [Grof lieg; erg oordryf.]
• Gee hom 'n pinkie, dan vat hy die hele hand. ['n Mens eien hom meer toe as wat jy hom wil toelaat.]
• Een brandsiek skaap, kan die hele trop aansteek. [Een slegte mens kan baie mense verkeerd beïnvloed.]
• Sy loop deur die hele bos om die kromste lat te sny. ['n Meisie wat baie kêrels gehad het, maar met die treurigste trou.]
Vertaling:
Engels: whole
Nederlands: hele
Selfstandige naamwoord: hele
Meervoud: heles
Betekenis:
• Iets wat onverdeeld en onbeskadig is.
Gebruik:
• Twee halwes maak ’n hele. 'n Hele is meer as 'n halwe.
Vertaling:
Engels: whole
Nederlands: hele
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
