Leksikograaf Boodskappe: 26581 Geregistreer: Maart 2019
Karma: 5
Senior Lid
rol
Afbreking: rol
Uitspraak: /rɔl/
Selfstandige naamwoord: rol
Meervoud: rolle
Verkleinwoord: rolletjie
Meervoud van verkleining: rolletjies
Betekenis:
• Iets wat in die vorm van 'n sirkel opgedraai is; silindervormige voorwerp.
• 'n Karakter wat deur 'n akteur in 'n rolprent of toneelstuk vertolk word.
• 'n Belangrike funksie of taak wat iemand of iets vervul.
Gebruik:
• Koop 'n rol toiletpapier. Ons bakkery maak lekker rolletjies.
• Hy speel die rol van generaal De la Rey.
• Ouers speel 'n belangrike rol in hulle kinders se opvoeding.
Vertaling:
Engels: roll; role, part; function
Nederlands: rol
Werkwoord: rol
Verlede tyd: het gerol
Teenwoordige deelwoord: rollend, rollende
Verlede deelwoord: gerolde
Betekenis:
• Om draaiend oor 'n oppervlak te beweeg; 'n ronde voorwerp laat tol.
• Om tot 'n ronde voorwerp te vorm.
• Om plat te maak deur 'n silindriese voorwerp oor iets te beweeg; uitrol.
Gebruik:
• Die klip rol van die berg af.
• Ons moet frikkadelle vir aandete rol.
• Rol die deeg sodat ons koekies kan bak.
Spreekwoord:
• Die bal aan die rol sit. ['n Saak begin; aan die gang sit.]
• Hy rol vir my 'n klip uit die pad. [Doen 'n guns vir iemand.]
Afgelei:
• afrol
• omrol
• oprol
• uitrol
Vertaling:
Engels: to roll, tumble
Nederlands: rollen
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
