Leksikograaf Boodskappe: 20783 Geregistreer: Maart 2019
Karma: 1
Senior Lid
'n Man en 'n vrou.man
Afbreking: man
Uitspraak: /mɑn/
Selfstandige naamwoord: man
Meervoud: manne, mans
Verkleinwoord: mannetjie
Meervoud van verkleining: mannetjies
Betekenis:
• 'n Volwasse manlike persoon; 'n grootmens wat nie 'n vrou is nie.
• 'n Persoon wat met 'n vrou getroud is.
• Informele aanspreekvorm en uitroep – ook teenoor vroue gebruik.
• Iemand wat tot 'n leër, die bemanning van 'n skip, ens. behoort.
Gebruik:
• Elke man veg vir homself.
• Haar man het vir haar 'n nuwe motor gekoop.
• Ag man, gaan blaas doppies.
• Hoeveel man is aan boord?
Spreekwoord:
• Met man en mag. [Met alle mag.]
• Soos een man. [Almal saam; eenparig.]
• Op die man af wees. [Sonder ompaaie.]
• Baie broek, bietjie man. [Grootprater.]
• Hy staan sy man. [Dapper wees en wys wie jy is.]
• Net so min soos die man in die maan. [Glad nie.]
• Hy is mossie, maar man. [Hy is klein, maar pure man.]
• Hy is 'n man van sy woord. ['n Man op wie staatgemaak kan word.]
• 'n Man van toet, was hy beter dan was hy goed. ['n Niksbeduidende persoon.]
• Kinders is die arm man se rykdom. [Arm mense het gewoonlik baie kinders]
• Elke man soen sy vrou op sy eie manier. [Elkeen het sy eie wyse van optrede.]
• 'n Man van twaalf ambagte en dertien ongelukke. [Iemand wat niks behoorlik kan doen nie.]
• Die klere maak die man. ['n Mens word dikwels na jou uiterlike voorkoms beoordeel.]
• Wyn in die man, wysheid in die kan. [As iemand dronk is, kan 'n mens nie wysheid by hom verwag nie.]
] 
Supertaal
Blog
Soek
Hulp
Lede
Registreer
Teken aan
Tuis
