Leksikograaf Boodskappe: 20946 Geregistreer: March 2019
Karma: 1
Senior Lid
vorm
Afbreking: vorm
Uitspraak: /fɔrm/, /ˈforəm/
Selfstandige naamwoord: vorm
Meervoud: vorms, vorme
Verkleinwoord: vormpie
Meervoud van verkleining: vormpies
Betekenis:
• 'n Geometriese voorwerp se tipe voorkoms; gedaante (bv.: 'n Sirkel het 'n ronde vorm.)
• 'n Vraelys met inligting wat ingevul word.
• (gereedskap) 'n Voorwerp waarin/waarom iets gevorm kan word.
Gebruik:
• Die ding het 'n baie snaakse vorm.
• Vul die vorm volledig in.
• Polimere word dikwels in 'n vorm gegiet, geblaas of ingespuit om 'n produk te vervaardig.
Vertaling:
Engels: form, figure, shape; mould
Nederlands: vorm, matrijs, mal
Werkwoord: vorm
Verlede tyd: het gevorm
Betekenis:
• In die regte vorm bring; 'n sekere vorm gee of aanneem.
• 'n Persoon leer en opvoed.
• Deel uitmaak van, fungeer as bousteen van.
• Maak; saamstel; veroorsaak.
Gebruik:
• Ek wil eers rondkyk en vir myself 'n mening vorm.
• Vorm die kind se karakter terwyl hy nog jonk is.
• Insekte vorm die grootste groep van diere op aarde.
• Ekstremiste vorm 'n ernstige bedreiging vir ons samelewing.
Spreekwoord:
• Skering en inslag vorm. [Die gewoonte wees.]
Vertaling:
Engels: to form, shape
Nederlands: vormen
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
