Leksikograaf Boodskappe: 20799 Geregistreer: Maart 2019
Karma: 1
Senior Lid
land
Afbreking: land
Uitspraak: /lɑnt/
Selfstandige naamwoord: land
Meervoud: lande
Verkleinwoord: landjie
Meervoud van verkleining: landjies
Betekenis:
• Ryk of staat; vaderland.
• Gedeelte van die aarde wat nie met water bedek is nie.
• Grond wat omgeploeg word om plante te plant of saad te saai; akkerland.
Gebruik:
• Suid-Afrika is 'n land aan die suidpunt van Afrika.
• By Hermanus kan mens die walvisse van die land af sien.
• Die mielies staan weelderig op die land.
Spreekwoord:
• Hy is lank in die land. [Hy het al baie ondervinding opgedoen.]
• Hy is 'n ou kalant, lank in die land. ['n Skelm, geslepe persoon.]
• Hy lewe van die vet van die land. [Hy lewe in oorvloed.]
• Die land loop oor van melk en heuning. ['n Land waar alles volop is.]
• Hy gesels land en sand aanmekaar. [Oor allerhande dinge aanhoudend gesels.]
• Met jou hoed in die hand, kom 'n mens deur die ganse land. [Deur beleef te wees, kom 'n mens ver.]
• Nog groen koring op die land hê. [Nog jong kinders hê.]
• 'n Profeet word nie in sy eie land geëer nie. [Verdienstelike persoon verdien meer waardering by vreemdes as in sy eie omgewing.]
• In die land van die blindes is eenoog koning. [Onder mense wat niks van iets weet nie, blink die een wat wel so ’n bietjie daarvan weet uit.]
Sinoniem:
• grond
• akker
Antoniem:
• water
Afgelei:
• mielieland
• stoppelland
• tabakland
Vertaling:
Engels: land, field, country, shore
Nederlands: land
Werkwoord: land
Verlede tyd: het geland
Betekenis:
• Om aan land/wal te gaan.
• Om af te kom grond toe.
Gebruik:
• Jan van Riebeeck land op Saterdag 6 April 1652 in Tafelbaai.
• Ons vliegtuig land om 12:00.
Antoniem:
• opstyg
Vertaling:
Engels: to land, disembark
Nederlands: landen
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
