Leksikograaf Boodskappe: 20946 Geregistreer: March 2019
Karma: 1
Senior Lid
'n Kom.kom
Afbreking: kom
Uitspraak: /kɔm/
Werkwoord: kom
Verlede tyd: het gekom
Teenwoordige deelwoord: komende
Betekenis:
• Om na iemand of iets te gaan; beweeg van 'n posisie verder weg tot nader aan die spreker.
• 'n Toestand bereik; aanbreek; begin; gebeur; verskyn; arriveer.
Gebruik:
• Kom hier! Daar kom die Alibama.
• Ons dag sal kom.
Spreekwoord:
• Agter die kap van die byl kom. [Iets agterkom[ uitvind hoe iets inmekaarsteek.]
• Agteros kom ook in die kraal. [Al is ’n mens hoe stadig, kom jy ook maar waar jy wil wees.]
• Berou kom altyd te laat. [Eers wanneer iets klaar gebeur het, is 'n mens spyt daaroor.]
• Daar is 'n tyd om te kom en 'n tyd om te gaan. [Niks bly onveranderd nie.]
• Daar kom dadels van. [Daar kom niks van nie.]
• Die aap kom uit die mou. [Die geheime planne word bekend.]
• Dit kom hom duur te staan. [Daarvoor sal hy moet boet.]
• Eendag gaan my skip kom. [Eendag gaan ek geld kry.]
• Hoogmoed kom voor 'n val. ['n Hoogmoedige mens word verneder.]
• Hy kom nie die mas op nie. [Hy slaag nie; is nie suksesvol nie.]
• Van lag kom huil. ['n Waarskuwing veral aan kinders teen lawaaierige pretmakery.]
• Weer op die been kom. [Om te herstel.]
Antoniem:
• gaan
Vertaling:
Engels: to come
Nederlands: komen
Selfstandige naamwoord: kom
Meervoud: komme
Verkleinwoord: kommetjie
Meervoud van verkleining: kommetjies
Betekenis:
• 'n Houer; koppie/bakkie sonder 'n oor; eetgerei, dieper as 'n bord.
• (geologie) Laagte; vallei; vlak holte in die aardoppervlak.
Gebruik:
• Hier is vir jou 'n kommetjie sop.
• Die skape wei by die windpomp onder in die kom.
Vertaling:
Engels: bowl, tureen
Nederlands: kom
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
