Leksikograaf Boodskappe: 19021 Geregistreer: Maart 2019
Karma: 1
Senior Lid
nog
Afbreking: nog
Uitspraak: /nɔχ/
Bywoord: nog
Betekenis:
• Weer; meer; opnuut.
• Tot nou toe; steeds.
Gebruik:
• Wil jy nog koek hê? Nog koffie vir jou?
• Ek kon nog nie die gras sny nie.
Spreekwoord:
• Môre is nog 'n dag. [Daar is geen haas nie, dit kan maar later gedoen word.]
• Amper maar nog nie stamper. [Byna, maar nie heeltemal nie.]
• Daar sal nog baie water in die see loop. [Nog baie dinge sal gebeur.]
• Dit hang nog in die lug. [Dis nog onseker.]
• Ek moet nog dit en dat doen. [Ek moet nog allerhande takies verrig.]
• Hef aan lê nog voor. [Die groot moeilikheid kom nog.]
• Hy het kind nog kraai. [Geen bloedverwante hê nie.]
• Hy het nog niks oor sy lippe gehad nie. [Hy het nog niks geëet of gedrink nie.]
• Hy is nog nat agter die ore. [Nog jonk en onervare.]
• Oor alles en nog wat. [Oor baie sake.]
• Oud maar nog nie koud nie. [Nog baie fris en kragtig.]
• Toe Tafelberg nog 'n molshoop was. [Baie lank gelede.]
• Buig die boompie solank hy nog jonk is. [Kweek goeie karaktertrekke terwyl die kind nog jonk is.]
• Aal is nog geen paling nie. [Die mindere is nie gelyk aan die meerdere nie.]
Vertaling:
Engels: another, more; still
Nederlands: nog
Voegwoord: nog
Betekenis:
• Nie; ook nie.
Gebruik:
• Jan nog Gert het skool toe gekom.
• Nóg Klaas nóg Koos het die toets deurgekom.
Vertaling:
Engels: yet
Nederlands: noch
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
