Inligting Boodskappe: 4588 Geregistreer: November 2018
Karma: 1
Senior Lid
Gouritsmond is 'n klein dorpie in die Wes-Kaap by die monding van die Gouritsrivier in die Indiese Oseaan. Die dorpie beskik oor 'n groot wit strand waar die rivier aan die oorkant van die parkade teen die randjie uitmond. Daar is ook 'n getypoel, 'n kerk en enkele klein winkeltjies. Dit is 'n gewilde hengelplek en vissermannne kan al langs Kusweg gesien word. Die dorp was voorheen bekend as The Fisheries en Avondrust en is vandag ook bekend as Gouritsriviermond en Die Mond.
Bartolomeu Dias het in 1488 met sy soeke na 'n roete om die punt van Afrika hier geland. Hy was dus die eerste Europeër wat land om (aan die ander kant) van Afrika gesien het. Hy het die rivier Rio dos Vaquerios (Rivier van die herders) genoem - moontlik omdat hy inheemse inwoners in die omgewing waargeneem het.
By die dorp se biblioteek is 'n muurtjie wat besoekers verwelkom, asook 'n gedenksteen vir 'n hond genaamd Gourits. Die gedenkteken is op 20 Julie 2007 onthul en is deur EMI-musiek en die sanger Etiene Steyn geborg n.a.v. hul liedjie oor die legendariese Gourits-hond. Op die steen is gegrafeer:
GOURITS
Sterf: 18 November 2004
"Hier lê begrawe 'n hond - En tog meer as ‘n dier……
Vir jare oumensevriend, metgesel, stapmaat, visserman, strandjakker, kindervriend.
Voëlvry, want niemand was sy baas.
Rus in vrede, Gourits - ons sal jou altyd onthou!"
] 
Supertaal
Blog
Soek
Hulp
Lede
Registreer
Teken aan
Tuis
