Leksikograaf Boodskappe: 19021 Geregistreer: Maart 2019
Karma: 1
Senior Lid
deur
Afbreking: deur
Uitspraak: /deør/
Selfstandige naamwoord: deur
Meervoud: deure
Verkleinwoord: deurtjie
Meervoud van verkleining: deurtjies
Betekenis:
• Voorwerp wat oop en toe kan maak om toegang tot 'n ruimte of bied te versper.
Gebruik:
• Het jy die deur gesluit?
• Maak asseblief die deur agter jou toe.
Spreekwoord:
• Voet in die deur kry. ['n Geleentheid gekry.]
• By die verkeerde deur aanklop. [Die verkeerde persoon om hulp vra.]
• Vee eers voor jou eie deur. [Sorg eers vir sake wat jou persoonlik raak.]
• Met die deur in die huis val. [Sonder voorbereiding iets belangriks sê of doen.]
• As jy self agter die deur staan, soek jy 'n ander ook daar. [Jou eie gebreke sien jy maklik in 'n ander ook raak.]
Betekenis:
• Van die een na die ander kant; ingaan en uitgaan.
• As gevolg van; dui die oorsaak aan.
• Wie of wat iets doen (die lydende vorm).
Gebruik:
• Die hond loop deur die vertrek.
• Sy het geslaag deur lang ure te werk.
• Die boek is deur M.E.R. geskryf.
Spreekwoord:
• Deur jou nek praat. [Onsin praat.]
• Deur jou nek betaal. [Baie duur betaal.]
• Deur die mat val Iets/iemand misluk/faal.]
• Deur die bank. [Almal, sonder uitsondering.]
• Deur murg en been gaan. [Dwarsdeur 'n mens gaan.]
• Deur dik en dun by hom staan. [In alle omstandighede.]
• Deur 'n harde leerskool gaan. [Goeie, harde ervaring opdoen.]
• Deur jou eie honde gebyt. [Deur jou eie mense benadeel word.]
• Deur stampe en stote word 'n mens wys. [Deur teenspoed leer 'n mens.]
• Deur die smeltkroes gaan. ['n Veeleisende ondervinding moet deurmaak.]
• Deur die vingers laat glip. [Nie gebruik maak van 'n geleentheid nie.]
• Deur skade en skande word 'n mens wys. [Deur onaangename ondervindings leer 'n mens.]
• Met jou hoed in die hand, kom 'n mens deur die ganse land. [Deur beleef te wees, kom 'n mens ver.]
Afgelei:
• dwarsdeur
• middeldeur
• regdeur
Vertaling:
Engels: through; by, on account of
Nederlands: door
Laat weet asb as die inskrywing foute bevat of verder verbeter kan word.