Inligting Boodskappe: 4588 Geregistreer: November 2018
Karma: 1
Senior Lid
AluminiumAluminium is 'n wit metaal en element, simbool Al; atoomgewig 26.97; atoomgetal 13; baie lig, word maklik uitgeklop of in baie dun draad getrek; goeie geleier van elektrisiteit; word in die handel deur elektrolise van bauxiet geproduseer; word baie in verskillende legerings gebruik, bv. aluminiumbrons, aluminiumgeelkoper. Omdat dit lig is en weerstand teen roes bied, word die metaal en sy allooie op groot skaal vir vliegtuie gebruik. Aluminium word nog meer bestand teen roes gemaak d.m.v. anode-werking, d.w.s. die aanbring van ’n oksidelaag deur ’n elektrolitiese proses. Dit word ook veel gebruik vir kombuisgereedskap en (in dun velle) om eetware in toe te draai.
’n Legering van aluminium, koper, mangaan en magnesium is in 1906 uitgevind en duralumin genoem; dit bereik eers ’n paar dae ná die vervaardiging die hoogste graad van sterkte en hardheid.
Nota: Aluinaarde is 'n ou naam vir aluminiumokside.
Bron: Die Afrikaanse Kernensiklopedie, J.P. Scannell (red.), 1965
Laat weet as u oor addisionele inligting beskik wat ons hier kan bywerk.
] 
Supertaal
Blog
Soek
Hulp
Lede
Registreer
Teken aan
Tuis
