| Werkloosheid [boodskap #124561] |
Di, 22 Januarie 2019 05:34 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Werkloosheid is die toestand waarin mense nie werk het nie en gevolglik nie 'n inkomste verdien nie. Gemeenskappe wat deur werkloosheid geteister word, ervaar verlaagde lewenstandaarde, armoede en misdaad, asook die emigrasie van kundige individue uit die gemeenskap.
Ná die Tweede Vryheidsoorlog het ’n tydperk van groot werkloosheid in Suid-Afrika geheers, veral in die Kaapkolonie en Natal tussen 1904 en 1908, en tydens die Wêrelddepressie tussen 1929 en 1932.
Voordele vir werklose persone in die Republiek van Suid-Afrika is aanvanklik beheer deur die Wet op Werkloosheidsversekering van 1946, met sy wysigings. Dit het ’n vroeëre maatreël van 1937 vervang en het ’n skaal vir bydraes bepaal deur werkgewers, werknemers en die Staat. Huishoudelike en plaaswerkers is nie in die bepalings van die wet ingesluit nie.
Die huidige Wet op Werkloosheidsversekering is op 1 April 2002 in werking gestel met die doel om ’n Werkloosheidsversekeringsfonds (WVF) tot stand te bring waartoe werkgewers en werknemers bydra. Werknemers kan hierteen eis indien hulle werkloos word.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
