| Waterval Boven [boodskap #124535] |
Sun, 20 January 2019 18:49 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Waterval Boven (ook bekend as Waterval Bo) is 'n spoorwegdorp in Oos-Transvaal op die spoorlyn na Lourenco Marques. Omstreeks 1894 tydens die bou van die spoorlyn gestig en so genoem vanweë die skilderagtige waterval daar naby. Tydens die Tweede Vryheidsoorlog is dit deur die Boere gebruik as ’n krygsgevangenekamp. Hier was vroeër die enigste tandratspoor in Suid-Afrika vanweë ’n steil helling, maar deur die spoorlyn te verlê, is dit uitgeskakel. ’n Monument is daar opgerig ter ere van die mense wat aan koors gesterf het tydens die bou van die spoorlyn. Bevolking teen die middel van die 20ste eeu: 6,329 (2,380 Blankes).
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
