| Wamakery [boodskap #124510] |
Sun, 20 January 2019 09:38 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Wamakery was vroeër ’n belangrike bedryf in Suid-Afrika. 'n Groot aantal verskillende soorte, soos kakebeenwaens, kapkarre, skotskarre en baie ander soorte is vervaardig. Die belangrikste sentrums van dié bedryf was Wellington (waar een gebied die naam Wamakersvallei gehad het), die Paarl, Oudtshoorn, King William’s Town, Queenstown en Pietermaritzburg. Die meeste wamakers het gebruik gemaak van plaaslike hout, veral die harde houtsoorte, en ’n besonder hoë standaard van werk gehandhaaf. Met die koms van die motorkar het wamakery egter geleidelik afgeneem, hoewel sekere firmas vervaardigers van bus- en vragwabakke geword het. In dié hoedanigheid bestaan hulle vandag nog.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
