| Viljoen, Dr. Willem Jacobus [boodskap #124425] |
Sat, 19 January 2019 17:23 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Dr. Willem Jacobus Viljoen was 'n opvoedkundige en pionier van die Afrikaanse taal. In 1869 op Richmond, Kaapkolonie, gebore en ontvang sy opleiding in Suid-Afrika, aan die Universiteit van Leyden en in Straatsburg, waar hy ’n tesis geskryf het oor die oorsprong van die Afrikaanse taal. In 1894 word hy aangestel as professor in Moderne Tale aan die Victoria-Kollege, nou die Universiteit van Stellenbosch. Het daar tot 1910 gebly. Van 1897 af was hy een van die vernaamste leiers van die Afrikaanse Taalbond en het hy daartoe bygedra om die spelling van Hollands in Suid-Afrika te vereenvoudig. Saam met Hubertus Elffers was hy mederedakteur van ’n Engels-Hollandse en Hollands-Engelsewoordeboek. In 1910 word hy Direkteur van Onderwys van die Oranje-Vrystaat, gevolg deur ’n soortgelyke aanstelling in 1918 in Kaapland, toe hy ook as vise-kanselier van die Universiteit van Suid-Afrika aangestel is. Die volgende jaar word hy voorsitter van die Naturelle-onderwyskommissie. In 1929 oorlede.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
