Inligting Boodskappe: 4588 Geregistreer: November 2018
Karma: 1
Senior Lid
Bokke wat op 'n stuk veld wei.
Die term Veld is losweg gebruik deur die vroeë setlaars vir plat, oop landskap in Suidelike en Sentraal-Afrika (dikwels in Engels verkeerd gespel, ‘Veldt’).
Dit word ook in ’n geografiese sin gebruik, soos Bosveld, Hoëveld (in Suid-Transvaal), bokant ’n hoogte van 4,000 voet, Middelveld, tussen 2,000 en 4,000 voet en die Laeveld, onderkant 2,000 voet (veral in Transvaal en Swaziland).
In Kaapland word die Roggeveld in die distrik Fraserburg en Sutherland van die noordweste aangetref; Nieuwveld naby Beaufort-Wes; Bokkeveld in die Wes-Karoo wat verdeel word in die Warm en Koue Bokkeveld; Trekveld, noord van Calvinia; Winterveld, tussen Victoria-Wes en Hanover; Middelveld naby Hopetown; Kaapenveld, suid van Prieska; Panneveld, bekend vir sy soutpanne, naby Kenhardt en in Gordonia; Hardeveld aan die weskus in Suid-Namakwaland; Richterveld naby die Oranjeriviermond; Koudeveld naby Graaff-Reinet; Noorsveld naby Jansenville; en Suurveld, vroeër Zuurveld gespel, naby Grahamstad.
In Namibië (Suidwes-Afrika) is die Hukweveld en Kaokoveld.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
] 
Supertaal
Blog
Soek
Hulp
Lede
Registreer
Teken aan
Tuis
