| Stow, George William [boodskap #124017] |
So, 13 Januarie 2019 06:54 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
George William Stow was 'n Suid-Afrikaanse geoloog en volkekundige. Op 2 Februarie 1822 in Nuneaton, Warwickshire, Engeland gebore. Hy studeer ingenieurswese en daarna medisyne, waarin hy nie kwalifiseer nie. In 1843 emigreer hy na Oos-Kaapland en raak geïnteresseerd in geologie, veral fossiele en in Boesmantekeninge, waarvan baie min destyds bekend was. Hoewel hy hoofsaaklik selfonderrig was, was hy onder die eerste geoloë om ’n studie te maak van die Diamantveld en in 1878 het hy verslag gedoen oor die steenkool in die Oranje-Vrystaat en naby Vereeniging. Hy is op 17 Maart 1882 oorlede. Hy het belangrike geologiese en volkekundige stof nagelaat, waarvan baie nie gepubliseer is nie.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
