| Somerset, Lord Charles Henry [boodskap #123894] |
Sat, 12 January 2019 07:50 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Lord Charles Henry Somerset was die Goewerneur van die Kaap die Goeie Hoop. In 1768 gebore, die tweede seun van die Hertog van Beaufort en kleinseun van die beroemde admiraal Boscawen. Kom op S April 1814 aan die Kaap aan. In geheel gesien het hy ’n stormagtige dienstermyn gehad, hoofsaaklik vanweë sy outokratiese optrede. Die beskuldiging dat hy spandabelrig en onbekwaam was om sy geldsake te beheer, is dikwels in die Britse laerhuis bespreek. Aan die ander kant het hy intens belang gestel in die ontwikkeling van Landbou en was hy ’n goeie vriend van die 1820-Setlaars in hulle tye van nood. Verskeie dorpe is tydens sy ampstermyn gestig, onder meer Beaufort-Wes, Somerset-Oos, Somerset-Wes en Fort Beaufort, almal na sy familie vernoem. Sy groot geskil oor die vryheid van die pers het hom in botsing gebring met Thomas Pringle en John Fairbairn. Nadat hy na Engeland teruggeroep is om verantwoording te doen vir sy optrede, het hy in April 1827 bedank. Op 20 Februarie 1831 in Brighton oorlede.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
