| Smit, Nicolas Jacobus [boodskap #123858] |
Fri, 11 January 2019 19:42 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Nicolas Jacobus Smit was die Onderpresident van die Suid-Afrikaanse Republiek. In 1837 naby Graaff-Reinet gebore. As kind trek hy saam met sy ouers na Transvaal en veg in die vroeë oorloë teen die naturelle, onder meer teen opperhoofde Sechele en Makapan. Vestig hom in Potchefstroom en word in 1864 veldkornet. In 1876 veg hy in die oorlog teen Sekoekoeni. In 1880 tree hy op sy plaas af, maar met die uitbreek van die Eerste Vryheidsoorlog is hy weer na die veld waar hy hom in die slag van Ingogo onderskei het. Nadat vrede gesluit is, word hy Volksraadslid vir Middelburg en in 1883 is hy aangestel as lid van die Onafhanklikheidsafvaardiging. In 1886 word hy Onder-president van die Suid-Afrikaanse Republiek. Oorlede in 1896.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
