| Smit, Erasmus [boodskap #123856] |
Fri, 11 January 2019 19:40 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Erasmus Smit was die eerste predikant van die Voortrekkers. Op 2 Augustus 1778 in Amsterdam gebore. Hy was die seun van ’n stuurman op ’n skip wat met Wes-Indië handel gedryf het, en het sy jeugjare in ’n weeshuis deurgebring. In 1801 word hy ’n sendeling, eers in Amerika en in 1804 aan die Kaap waar hy saam met dr. J. Vanderkemp op Bethelsdorp gewerk het. Toe die Nederduitse Gereformeerde Kerk aan die Kaap geweier het om hom te orden, het hy ’n onderwyser geword en nadat hy met die suster van die Voortrekkerleier, Gerrit Maritz, getrou het, sluit hy in 1836 aan by die Trekkers. Hy word hulle nie-amptelike predikant, hou gereeld dienste, voltrek huwelike en vergesel die Trekkers na Natal. Hy vestig hom op Pietermaritzburg waar hy in 1863 oorlede is.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
