| Smartt, Sir Thomas William [boodskap #123854] |
Vr, 11 Januarie 2019 19:37 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Sir Thomas William Smartt was 'n kabinetslid en leier van die destydse Unionistiese Party. In 1858 in Ierland gebore. Studeer in die medisyne in Dublin en kom in 1880 na Suid-Afrika waar hy hom op Britstown in die Karoo vestig. Daar raak hy geïnteresseerd in boerdery en stig die beroemde Smartt-Sindikaat, wat een van die grootste damme in die land bou by Houwater naby Britstown. In 1895 word hy lid van die Kaapse Parlement en is onmiddellik daarna deur sir Gordon Sprigg aangestel as Minister van Binnelandse Sake. In die Tweede Vryheidsoorlog was hy saam met Rhodes in die beleg van Kimberley. In 1900 word hy Kommissaris van Publieke Werke, en beklee ook ’n soortgelyke pos in die Jameson-ministerie van 1904 tot 1908. Nadat hy deelgeneem het aan die Nasionale Konvensie word hy leier van die Unionistiese Party en opvolger van sir L.S. Jameson. Hy was lid van die Opposisie tot die samesmelting van die Suid-Afrikaanse en die Unionistiese Party in 1921 toe hy Minister van Landbou geword het. Hy beklee dié pos tot 1924 en is in 1929 oorlede.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
