| Ruimtenavorsing [boodskap #123646] |
Sun, 06 January 2019 17:20 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Ruimtenavorsing is navorsing oor die buitenste ruim bokant die Aarde se atmosfeer. Suid-Afrika het in 1958 aan ruimtenavorsing begin deelneem met die oprigting van ’n fynnaspoorpos naby Esselenpark tussen Pretoria en Johannesburg om die bewegings van die eerste Amerikaanse satelliet, Explorer I, te volg. Die werk word gedoen in samewerking met die Nasionale Instituut van Telekommunikasienavorsing in Johannesburg. Nog 'n opspoorpos is in 1958 by Hartebeeshoek opgerig. Tydens die vlug van die Amerikaanse satelliet, Mariner II, verby die planeet Venus, was Suid-Afrika se ‘Diepruimte-naspoorpos’ die eerste in die wêreld wat 'n bevel na die satelliet uitgestuur het waarop hy gereageer het. Daarmee is ’n rekord vir langafstandkommunikasie oor ’n afstand van 54,000,000 myl opgestel. In 1964 het die Franse regering ’n opspoorpos by Pienaarsrivier naby Pretoria opgerig wat in 1965 in werking getree het.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
