| Rubusana, Eerw. Dr. Walter B. [boodskap #123641] |
Sun, 06 January 2019 16:05 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Eerw. Dr. Walter B. Rubusana was die eerste Bantoelid van die Kaapse Provinsiale Raad. Op 21 Februarie 1858 op Mnandi, naby Somerset-Oos, Kaapland, gebore en ontvang opleiding aan Lovedale. Hy word onderwyser en neem waar as assistent vir eerw. R. Birt op Peeltonsendingstasie voordat hy in 1884 bevestig is as ’n gemeentelike predikant. In 1905 sluit hy aan by die Naturelle-afvaardiging na die Britse regering en hy presideer die eerste Naturellekonvensie in 1909. Hy word in 1910 verkies tot lid van die Kaapse Provinsiale Raad vir Temboeland en bly lid tot 1914. Hy skryf History of South Africa from the Native Standpoint waarvoor hy ’n eredoktorsgraad in Filosofie ontvang het van die McKinley Universiteit in die V.S.A. Was die eerste Bantoe om op te tree as Moderator by die Midland-sendingkomitee van die ‘Congregational Union of South Africa’. In 1936 oorlede.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
