| Randse Waterraad [boodskap #123480] |
Sat, 05 January 2019 07:03 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Die Randse Waterraad is/was 'n korporasie wat in 1903 deur ’n ordinansie van die Milner-regering gestig is; belas met die voorsiening in die behoeftes van die Witwatersrandgebied. Dit het die bates van die vroeëre privaatmaatskappye oorgeneem en is lenings- en ander magte toegestaan. Die munisipaliteite van die Rand, die stad Pretoria, Vereeniging, die mynbedryf en die Suid-Afrikaanse Spoorweë is in die Raad verteenwoordig. Die Raad het destyds water aan ’n gebied van 4,308 vierkante myl met ’n bevolking van sowat 2,500,000 verskaf. Die watervoorraad is hoofsaaklik verkry uit die Vaalrivier waar die Raad ’n groot studam (in 1923 voltooi) gebou het. In later jare is dit gevolg deur waterwerke wat die water van die Vaaldam benut. Die daaglikse verkope van water het nagenoeg 200,000,000 gelling beloop.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
