| Potchefstroom [boodskap #123405] |
Vr, 04 Januarie 2019 06:52 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Potchefstroom was op 'n tyd die hoofstad van Transvaal en is een van sy oudste dorpe. Een verduideliking van die naam is dat dit afgelei is van die naam van die Voortrekkerleier, Andries Hendrik Potgieter, wat hom langs die Mooirivier (stroom) gevestig het. Hierdie vergesogte idee is onlangs weerlê met ’n baie eenvoudiger teorie, naamlik dat dit afgelei is van ’n versameling potskerwe wat naby die stroom gevind is. Die naam ‘potscherf’ verskyn op verskeie ou kaarte. Die dorp is in 1838 gestig en is beskou as die hoofstad van die plaaslike Voortrekkergemeenskap. Selfs die stigting van Pretoria in 1855 en die proklamering daarvan as die regeringsetel het nie die status van Potchefstroom verander nie, en selfs vandag nog is dit bekend as ‘Die Ou Hoofstad’. Daar bestaan geen rede om dit te betwyfel dat Potchefstroom die ‘hoofstad’ van Transvaal gebly het tot die einde van die Boerebewind nie. Tydens die Eerste Vryheidsoorlog in 1880 is ’n klein Britse mag in ’n plaaslike fort beleër, hoewel hulle uitgehou het tot die vrede onderteken is. Tydens die Tweede Vryheidsoorlog is die dorp in Junie 1900 deur die Britte beset.
Nadat vrede gesluit is, is ’n Britse garnisoen daar gestasioneer en die beroemde militêre kamp, wat later deur die Unie-Verdedigingsmag oorgeneem is en in albei Wêreldoorloë as ’n opleidingsentrum gebruik is, het tot stand gekom. Sedert 1933 het Potchefstroom ook belangrik geword as ’n goudmynsentrum met die ontdekking van die verlenging van die Witwatersrand-goudrif tussen Potchefstroom en Randfontein. Die Universiteit, wat in 1951 gestig is, het ontwikkel uit die ou Teologiese Kweekskool wat in die jare 1860 gestig is. Daar is ook ’n bekende Landboukollege en ander inrigtings. Bevolking teen die middel van die 20ste eeu: 49,0 (23,000 Blankes, 2,000 Kleurlinge, 800 Asiate en 23,000 Bantoes).
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
