| Player, Gary [boodskap #123364] |
Do, 03 Januarie 2019 17:01 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Gary Player is 'n voormalige Suid-Afrikaanse gholfkampioen. Op 1 November 1935 in Johannesburg gebore. Ontvang sy skoolopleiding by die King Edward VII en begin sy sportloopbaan as rugby-en krieketspeler. Op 14-jarige ouderdom begin hy gholf speel. Selfs ’n ernstige ongeluk in 1950 kon hom nie stuit nie en teen 1954 het hy reeds sy eerste toer as beroepspeler na Brittanje onderneem. Hy het opspraak verwek in elke land waar hy opgetree het. Sy debuut in 1958 in die Verenigde State het hom feitlik onmiddellik onder die beste spelers geplaas. In 1959 wen hy die Britse Ope; in 1965 die Amerikaanse Ope, die Kanadabeker saam met Harold Henning, die Wêreld-Putjiespeltoernooi op Wentworth, Surrey, die Wêreld-Gholfkampioenskap in Akron, Ohio, en behaal ’n tweede plek in die Meesterstoernooi.
In Februarie, 1966 wen hy die Suid-Afrikaanse Ope die vierde keer.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
