| Ooskuskoors [boodskap #123221] |
Mon, 31 December 2018 07:39 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Ooskuskoors is 'n ernstige veesiekte, wetenskaplik bekend as Piroplasma parvum en later hernoem na Theileria parva. Dit is die eerste keer in 1897 deur dr. Robert Koch in Duits-Oos-Afrika ontdek. In 1901 het dit na Beira (Mosambiek) en later na Zimbabwe (Rhodesië) en dele van Suid-Afrika versprei. Dit word deur bruin bosluise oorgedra en is in sommige opsigte soortgelyk aan Texaskoors of swartwaterkoors. Danksy omheining, dippery en ander voorsorgmaatreëls is Ooskuskoors nie meer so gevaarlik soos vroeg in die 20ste eeu nie.
Die bruinoorbosluis (Rhipicephalus appendiculatus) is die primêre draer van Ooskuskoors ek kom wydverspreid in die warmer, natter noordelike en oostelike dele van Suid-Afrika voor. Ander bruinbosluise wat ook die siekte versprei kom veral in Limpopo voor. Buffels is natuurlike draers van Ooskuskoors, wat in Suid-Afrika algemeen as korridorsiekte bekend staan. Vir die rede word streng maatreëls met betrekking tot die verskuiwing van buffels afgedwing.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
