Inligting Boodskappe: 4588 Geregistreer: November 2018
Karma: 1
Senior Lid
Olifante
Die Olifant is die grootste landsoogdier in Afrika. Dit is die eerste keer in die omgewing van Tafelbaai aangetref, maar het geleidelik noordwaarts uitgewyk, hoewel 'n paar nog in die Tsitsikamabos en in die Addopark aangetref word. 'n Aantal het ook bewaar gebly in die Krugerwildtuin, Zimbabwe (Rhodesië) en in Mosambiek. Die Afrikaanse olifant is groter as die Asiatiese soort en het opvallende groot ore. Dit word byna 11 voet hoog en olifante van hoër as 12 voet is al aangemeld. Die tande van die Afrikaanse olifante word enorm groot: een van die grootste wat bekend is, is 11 voet duim lank en weeg net onder 300 pond. Olifante is nie aggressief nie, maar kan gevaarlik wees as hulle kwaad gemaak word. In Zimbabwe (Rhodesië) word beheerde jag op olifante toegelaat, maar in die Republiek is dit verbode. Die olifante wat in Addo en die Tsitsikamabos aangetref word, is kleiner as die normale Afrikaanse olifant en word beskou as 'n spesiale ondervariëteit. Sien Soogdiere.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
] 
Supertaal
Blog
Soek
Hulp
Lede
Registreer
Teken aan
Tuis
