| Naspers [boodskap #123104] |
Sun, 30 December 2018 07:52 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Die Naspers (vroeër die Nasionale Pers) is 'n uitgewery wat in 1915 gestig is met die doelstelling om die gebruik van die Afrikaanse taal gewild te maak. Die meeste van die direkteure was leiers van die Nasionale Party. Onder die eerste take was die publikasie van die koerant, Die Burger, onder redaksie van dr. D.F. Malan, en Die Huisgenoot met prof. J.J. Smith as redakteur. Dit het met 'n kapitaal van £30,000 begin en het sedertdien duisende Afrikaanse boeke gepubliseer. Die hoofkantoor is in Kaapstad met takke oor die hele Republiek. Deesdae is dit 'n groot multinasionale mediagroep wat hom toegespits op betaaltelevisie, internet-platforms, drukmedia, boekuitgewery, private onderwys en verwante tegnologiemarkte.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
