| McCorkindale, Alexander [boodskap #122807] |
Wed, 26 December 2018 09:39 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Alexander McCorkindale was 'n Skotse konsessionaris en pionier van Oos-Transvaal. Hy kom in die jare 1850 na Suid-Afrika en was 'n bekende jagter. In 1864 het hy die Volksraad in Pretoria genader met 'n skema vir die stigting van 'n nedersetting in Oos-Transvaal. In ruil hiervoor het hy aangebied om die Regering van posseëls, ammunisie en bankgeriewe te voorsien. 'n Gebied van nagenoeg 500,000 acres is aan hom toegestaan. Dit het hy probeer ontwikkel met 'n maatskappy in Glasgow. Planne is opgestel vir die stigting van 'n nedersetting bekend as New Scotland met 'n dorpie, Roburnia, (na Robert Burns vernoem) as sy hoofstad. Die skema het misluk, maar 'n sekere aantal setlaars het in werklikheid na Transvaal gekom. Roburnia het behoue gebly en is vandag bekend as Amsterdam. McCorkindale is in 1871 oorlede.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
